Заслуженный любительский коллектив
Республики Беларусь
детская эстрадная студия
«ВЕСЕЛЫЕ НОТКИ»

Дзіцячая эстрадная студыя “Вясёлыя ноткі” пачала свае існаванне як вакальна-інструментальны ансамбль ў 1977 годзе на базе 5-Б класа сярэдняй школы № 5 г. Магілёва. У 1981 годзе студыя “Вясёлыя ноткі” першай ў рэспубліцы атрымала найменне «узорны мастацкі калектыў» у эстрадным жанры.

У 1994 годзе рашэннем выканаўчага камітэта Кастрычніцкага раёна, на базе вакальна-інструментальнага ансамбля «Вясёлыя ноткі», створана дзіцячая эстрадная студыя «Вясёлыя ноткі» пры раённым Доме піянераў і школьнікаў.

З 2007 года працуе філіял студыі ў памяшканні сярэдняй школы № 39. Створаны і абсталяваны музычны і харэаграфічны класы, што дазволіла разгрузіць асноўнае памяшканне студыі і ахапіць заняткамі больш дзяцей раёна вуліц Маўчанскага і Фаціна.

У 2009 годзе за творчыя дасягненні, высокае выканальніцкае майстэрства, актыўную канцэртна-гатрольную дзейнасць, уклад у развіццё і папулярызацыю нацыянальнага мастацтва узорнай дзіцячай эстраднай студыі “Вяселыя ноткі” было прысвоена званне “Заслужаны аматарскі калектыў Рэспублікі Беларусь”.

На працягу апошніх 10 год больш за 220 дзяцей ва ўзросце ад 4 да 18 гадоў штогод займаюцца ў студыі у напрамку: — эстрадны вакал, сучастная харэаграфія і інструментальны ансамбль.

У 2012 годзе, ў выніку аптымізацыі, рашэннем адміністрацыі Кастрычніцкага раёна г. Магілёва дзіцячая эстрадная студыя “Вяселыя ноткі” перападпарадкоўваецца дзяржаўнай установе дадатковай адукацыі “Цэнтр творчасці “Эверэст” г. Магілёва”.

У складзе студыі працуюць: падрыхтоўчая вакальная група “Першы крок” (5-6 год), (7-8 год), вакальная група “Пераменка” (12-14 год), вакальная група “Канфеці” (9-11 год), вакальная група “Натхненне” (14-17 год), вакальная группа “Малінкі” (7-9 год), “Смайлік”(8-10 год), “Сузор’е”(12-15 год), “Сакрэт”(7-9 год), “Прывітанне” (6-8 год), інструментальная група (10-17 год), харэаграфічныя групы “Серпантын” (12-13 год) “Іскаркі” (11-12 год), “Вяснушкі” (9-10 год),”Акварэль” (14-16 год), “Азарт” (9-11 год), “Тапатушкі” (10-11 год), харэаграфічныя падрыхтоўчыя групы (5-6, 7-8 год).

Дзіцячая эстрадная студыя “Вясёлыя ноткі” мае ўластную сучастную студыю гуказапісу, створаную і абсталяваную у 2002 годзе.

Рэпертуар вакальных груп студыі складаецца ў асноўным з твораў магілёўскіх і беларускіх аўтараў, праходзіць дакладны адбор адпаведна ўзросту выканаўцаў, мастацкай вартасці і музычнай якасці.

Заслужаны амтарскі калектыў Рэспублікі Беларусь узорная дзіцячая эстрадная студыя “Вясёлыя ноткі” добра вядома не толькі ў горадзе, але і далёка за яго межамі. Творчыя калектывы студыі паспяхова выступаюць з канцэртнымі прагарамамі і асобнымі нумарамі на мерапрыемствах вобласці, горада і раёна, у навучальных установах, прадпрыемствах, воінскіх часцях, у месцах адпачынку жыхароў і гасцей горада, на спартыўных пляцоўках, на святах вуліц і двароў раёна. Штогод студыя праводзе справаздачны канцэрт сваіх калектываў у Палацы культуры вобласці.

Шматразова і з поспехам “Вясёлыя ноткі” прымалі ўдзел у міжнародных, рэспубліканскіх, абласных і гарадскіх фестывалях і конкурсах.

Калектыў вылучаецца высокім мастацкім і выканальніцкім узроўнем, прынцыпова не карыстаецца фанаграмамі +1, а выконвае ўсе нумары “жывым гукам”. Усе вакальныя і танцавальныя групы касцюміраваны адпаведна ўзросту і жанру. Кожны нумар калектыву мае сваю рэжысуру і драматургію.

Традыцыяй у калектыве сталі паездкі ў летні перыяд з удзельнікамі студыі на аздараўленне на Чорнае мора, у дзіцячыя лагеры адпачынку як ў Рэспубліцы Беларусь, так і за яе межамі. Падчас адпачынку дзеці так жа выступаюць з канцэртамі перад адпачывальнікамі на базах адпачынку.

Творчасць Заслужанага амтарскага калектыву Рэспублікі Беларусь узорнай дзіцячай эстраднай студыі “Вясёлыя ноткі” карыстаецца павагай і поспехам у гледачоў. У 2022 годзе студыя будзе святкаваць сваё 45-годдзе са дня існавання.

Заснавальнікам эстраднай дзіцячай студыі “Вясёлыя ноткі” зьяўляецца Павел Уладзіміравіч Пабягаеў.